FESTIBALA

2016-01-12

GERNIKAKO LEKUEK FESTIBALAREN LAUGARREN EDIZIOA BADATOR

Martxoaren 11tik 19ra musikari lotutako hainbat jarduera egongo dira.

Lehen urteetako edizioen harrera ona ikusita musikaren arloan ari garen hainbat lagun berriro batu gara Gernikako Lekuek festibalaren laugarren edizioa antolatzeko.

Lekuek zaletasunetik abiatzen den festibala da. Musika maite dugulako antolatzen dugu Lekuek. Gure asmoa herri oso bat musikaren bueltan jartzea da. Musika entzun, dantzatu, ikasi eta bizitzeko aste beteko egitaraua antolatu dugu. Bakoitzak bere zaletasunetik eta lekutik egindako festibala izanda, berezia da Gernikako Lekuek: txikia, askotarikoa, eklektikoa, horizontala, merkatuaren logiketatik kanpo dagoena.

Irudi berriarekin dator festibala. Herriko artista batek egitearen ohiturarekin jarraituz, Maria Larrinaga sortzaileak egin du aurtengo kartela.

Dozena bat leku
Kultura arlotik, Astra, Iparragirre Rock, Trinkete anti-txokoa eta Lizeoa. Tabernen artean, berriz, Arima, Aterpe, Irrintzi, Lagun-etxea, Ospa, Zaplast, Zeppelin, Zuhaitzpe, Arrano Kultur-Etxea, Musutruk edo Revolution.

Ezin ditugu aipatu barik utzi festibalean parte-hartzen duten eragileetako batzuk, besteak beste: Zine-Klub Gernika, Gernikako Liburutegia, AstraTxiki edo Kultur-Etxea

Programazioa
Aurten ere hainbat ekitaldi musikaletik edukiko ditugu, estilo eta publiko desberdinentzat: Guadalupe plata, Ruper Ordorika, Luma, Capsula, Kepa Junkera, Solea Morente, Nick Moss, The Limboos, The Kinki Coo Coo’s, Sumision City Blues, Inoren Ero Ni……

Zuzeneko musikaz gain, hainbat ekimen desberdin egongo dira. Laster izango dugu informazio guztia.

Festibalaz gozatzeko
Beti bezala bono bat jarriko dugu jendearen eskura. Horrela 25 euroko prezioan festibal guztiko emanaldietan parte-hartzeko aukera egongo da. Astra, Trinkete eta Iparragirre Rock elkarteko kontzertuetarako sarreren aurre-salmenta egongo da kopuru mugatuan internet bidez.

Egitarau eguneratua eta sarreren eta bonoen inguruko informazio guztia www.gernikakolekuek.com web orrian izango da laister.

Gora LEKUEK!!